2018ako egutegia





Eguberrion guztioi!!

Denok txintxo portatu al zarete??. Gaurko gauean Olentzero eta Mari Domingi gure etxe guztietatik pasako dela badakidan arren, nik ere oparitxo txiki bat uztea erabaki det.
Hemen dezute datorren urte berrirako egutegia.

Joan den urtean bezala, sinple eta garbia, txuri beltzean egina eta JEPG formatuan gordeta, nahi dezuten tamainan deskargatu dezazuen.

Ikusi nolakoa den...




Ba, badakizue, zuen gustukoa baldin bada, hemen beheko deskarga botoian klikatuz zuena izango da. Nahi aina bider deskargatu.
Eta zuen sareetan partekatzen baduzue ere, eskertuko nizueke, horrela jende gehiago deskargatu ahal izan dezan.


https://drive.google.com/open?id=1IaHM2MqVyJPCGTALAUKGZ7It221pKx7e


Ba hau izanda guztia gaurkoz.
Olentzero eta Mari Domingi opari gehiago ekartzea opa dizuet, eta jai hauek zuek maite dituzuenekin pasa eta disfrutatu dezazuen espero det.
Hurrenarte!!






Euskaraz egindako inprimagarri hau, euskaraz eskuz eginak antolatzen duen neguko esteka festara ere eramaten det. Bertatik pasa euskaraz egindako lan eder asko ikustera.

Gabonetako postalak






Kaixo berriro!
Azkeneko aldian agindu egin nizuen bezalaxe, hementxe gaude bueltan Gabonetako gaiari lotutako beste proposamen batekin.
Gaurkoan, Gabonak zoriontzeko postal batzuekin. Familiari edo lagunei bidaltzeko edo bestela Gabonetako apaingarri bezala erabiltzeko. Nahi dezuten moduan.

Hauek dira erabili egin ditugun materialak.....






Kartulinak, dina 4 neurrikoak erabili egin ditugu guk, kolore desberdinetakoak, bakoitzaren gustuen arabera.
Kotoi diskoak, makillajea kentzeko erabiltzen diren horietakoak.
Pipa garbitzaileak, oraingoan zilar kolore distiratsukoak.
Kola fuerte bat edo silikona beroa pistola eta guzti. Nahi dezutena.
Purpurinako margoak. Edozein bazar edo paper dendan egun hauetan errez aurkituko dituzue.
Pintzela,  margoak eta kolarekin laguntzeko.
Goraizak, kartulinak mozteko.


Brillo askoko materialekin egin degu lan, baina.....Gabonak dira, ta brillo pixka bat aproposa dela iruditu egin zaigu.
Goazen orain pausoz pausozkoarekin....







Kartulinak, erditik tolestuko ditugu eta ondoren tolesduratik ebaki egingo ditugu. Kartulina erdia degunean erditik tolestuko degu berriro, gure postalaren oinarria lortzeko.
Hauek nahi ditugun postala aina bider egingo degun pausoa izango da.
Orain postalak apainduko ditugu ikusi...




Lehenengo honetan, elur panpina elegante bat egin degu. Horretarako kotoizko bi disko hartu eta gure kartulinan pegatuko ditugu kolarekin lagunduta.
Ondoren purpurinazko margoarekin begitxoak, sudurra eta botoiak margotuko dizkiogu.
Orain pipa garbitzaile bat hartu eta bufanda distiratsu bat egingo diogu eta kolarekin jarriko diogu.




Hemen goiko irudian emaitza. Nahi baduzue, guk egin degun bezala, boligrafo bat edo errotulagailu bat erabiliz zorioneko hitz batzuk ere idatzi egin ditzakezue.


Orain beste modelo bat....






Kartulina beltz bat hartu egin degu oinarri, eta bertan pipa garbitzailearekin egindako izar distiratsu handi bat pegatu egin degu erdi erdian.





Purpurinazko margoak hartu eta inguruan puntutxo pila egin dizkiogu zeruko izar gehiago bai liran.
Sinplea, baino politta dela iruditu zaigu.





Arkatza eta erregelarekin lagunduta, kartulina more baten gainean hiruki bat markatu eta bertan purpurina margo berdearekin lagunduta, Gabonetako zuhaitz bat marraztu egin degu oraingoan.





Pipa garbitzaile batekin izarra eta enborra egin ditugu eta gero kartulinaren gainean pegatu eginditugu kolaren laguntzaz eta horrela beste postal eder bat osatu degu...






Hemen dituzue guk aurten egin ditugun Gabonetarako postalen bilduma.....




Ea zer iruditzen zaizkizuen gure postalak, orain zuen txanda.
Animatu eta egin itzazue!

Ba besterik ez gaurkoz.
Hurrenarte!!


Gabonetako izarra






Kaixo berriro!
Abenduan sartuta gaude honezkero, eta gehienek Gabonetako apaingarriak jartzen hasiko zinaten, gu pasa dan zubia aprobetxatu degu, gure eskuz egindako apaingarrien bilduma handitzeko.
Eta gaurko honetan izar hau nola egin degun kontatuko dizuegu.

Hauek izan dira erabili ditugun materialak...






Makarroiak, luma modukoak erabiliko ditugu.
Lazo puska bat. Guk bonboi kutxa batean zetorrena birerabili degu.
Kola sendo bat, edo bestela kola beroa eta pistola.
Goraizak, lazoa behar degu tamainan mozteko.

Beti bezala gutxi eta etxean errez edukiko ditugunak.

Orain pausoz pausozkoa....





Bi makarroi ale artuko ditugu eta beraien artean pegatuko ditugu kola sendo bat erabiliaz (edo kola beroarekin),  hiruki forma dun punta bat osatuz.
Izarraren puntak izango dira, horrelako bost egingo ditugu eta lehortzen utziko ditugu.





Behin lehortu egin direnean, elkartuko ditugu izarraren forma emanez,  Elkartzen diren puntuetan kola apur bat emango diegu pegatu daitezen.
Orain beste makarroi ale bat hartu eta elkargunetik zentro aldera pegatuko ditugu barruko forma emanez, iruditan ikusten den bezala.
Orain , berriro ere, lehortzen utziko degu.






Ondo lehortu egin denean, izarra zintzilikatu ahal izateko,  lazoa hartu eta izarraren alde batetik sartu eta itxi egingo degu kola puntu batekin.

Eta prest! Badugu gure izar galanta gure Gabonetako zuhaitzean edo edozein etxeko izkinetan zintzilikatzeko.





Guk izar hau amonaren etxean egin eta utzi egin degu. Amonari horrela natural gustatzen zitzaion eta horrela oparitu genion, baina nahi izan ezkero kolore biziz edo purpurinaz ere margotu egin dezakegu beste puntu alaiago bat lortzeko.

Ba hau izan da dena gaurkoz, espero degu gure apaingarria zuen gustukoa izatea.
Aste honetan bertan, Gabonetarako beste apaingarriren bat ekarriko dizuegu, edo akaso Gabonetarako postalak nola egin ditugun erakutsiko dizuegu....... ikusiko degu!

Hurrenarte!





Izar hau ere eskuz egina-k antolatzen duen udazkeneko bildulmara eramgo det. Handik pasa euskaraz eskuz egindako beste lan asko ikustera.

Abendurako egutegia






Kaixo berriro!
Gaurko honetan, sartu irten motz bat egiten det ,zuekin hilabete honetarako egutegia partekatzeko soilik.

Badakit jun dan astean ez nitzala hemendik pasa.....baina lan kontuak direla ta denbora gutxirekin nabil.
Ala ere agintzen dizuet abendu honetan astero hemen izango garela.

Orain, esan dizuedan bezala, hilabete honetarako egutegia erakutsiko dizuet.
Azpiko irudi honetan ikus dezakezue nolakoa geratu dan.








Hau ere zuen gustukoa baldin bada,  beheko deskarga botoian klikatzea besterik ez duzue lortzeko.
Klikatu, beste leiho bat irekiko zaizue, eta bertatik lasai askoan nahi aina bider deskargatu ahal izango duzue.
JEPG formatuan dago, horrela zuek nahi dezuten tamainan inprimatu dezazuen.



https://drive.google.com/open?id=0B_l46C50YUuwcDBzNWdNREFxUXM


Ba, besterik ez gaurkoz.

Hurrenarte!!






Egutegi hau ere, euskaraz eskuz eginak antolatzen duen udazkeneko bildumara eramango det. Handik pasa euskaraz egindako proposamen gehio ikusi nahi badituzue!.

Eskuz egindako borragomak






Kaixo berriro!!
Hementxe gaude bueltan, beste eskulantxo batekin.
Gaurko honetan,  guk geuk egindako borragomak nola egin ditugun kontatuko dizuegu.
Toki askotan borragomak etxean nola egin bilatzen ibili ondoren, gure lagun Amparoren youtubeko kanalean aurkitu genuen erantzuna.
Bertan, berak,  oso era errazean azaltzen zuen  borragomak etxean nola egin, eta guk, bere ideia oinarri hartuta, gure bertsio propioa egin degu.

Hemen bere bideoa:




Orain gure bertsioa. Hauek dira behar ditugun materialak:





Silikona piskat. Etxeko erreparazioak egiteko erabiltzen dena.
Margo akrilikoak, gure gomatxoei eman nahi diegun kolorekoa.
Arto irina.
Katilu bat
Makilatxo bat
Manteltxo bat edo plastikozko edozer mahia babesteko.
Silikonazko molde bat. Gure borragomei emango diogun formakoa.


Orain pausoz pausozkoa....







Silikona apur bat jarriko degu bol batean. Honi margo tanta pare bat gehituko diogu eta makilatxoaren laguntzaz ondo nahasi egingo degu.





Orain arto irina hartu eta manteltxoaren gainean motoitxo txiki bat egingo degu, eta gainean silikona eta margoaren nahasketa hartu eta  jarriko degu .
Eskuak irinarekin zikinduko ditugu eta nahasketa lantzen hasiko gera.




Nahasketa ondo amasatu egingo degu eskuetan pegatzen ez den ore bat  lortu arte.






Moldeari arto irin piskat jarriko degu, eta barruan orea sartuko degu, moldearen forma hartu dezan.




Orain lehortzen utziko degu. Guk gau osoa lehortzen utzi genuen.





Lehorra dagoenean, moldeetatik atera eta prest degu gure borragoma. Orain ondo funtzionatzen duena jakitea besterik ez zaigu gelditzen.





Guk arkatza ondo borratzen duela konprobatu egin degu.





Ba hau izan da gure eskuz egindako borragomaren bertsioa. Amparoren bideoa ikustera ere gonbidatzen zaituztegu .
Orain zuek animatu.

Hau ba dena gaurkoz.

Hurrenarte!





Borragoma hauen pausoz pausozkoa ere, euskaraz eskuz eginak antolatzen duen udazkeneko esteka bildumara eramaten ditut. Handik pasa euskaraz egindako beste proposamen asko ikustera.

Kortxozko ohar ohola




Kaixo berriro!!

Hementxe nago berriro ere bueltan.

Gaurko honetan, eskulan erraz eta praktiko batekin nator, birziklatuz egingo deguna.

Gainera lan honekin gure lagun Una vida real blogeko Francis-ek, bere 5garren urteurrena ospatzeko antolatu duen esteka festan parte hartuko degu.

Blog zoragarri hau ezagutzen ez dezutenei , bertatik pasatzera gonbidatzen zaituztet, han, maitasun handiz eskuz egindako lan eder pila aurkituko dituzue .

Festa honetan garai bateko "la bola de cristal" telebista programarekin zerikusia duen zerbaitekin parte hartzera gonbidatu gaitu Francis-ek.
Gure proposamen honek, programa honetan agertzen ziren pertsonai berezi eta bihurri batzuen irudia zintzilikatzeko eraili daiteken ohar ohola izan da.

Hauek dira ohar ohol hau egiteko erabili egin ditugun materialak....





Kortxo tapoi pila.
Arropa zintzilikatzeko pintzak
Lata anila pare bat.
Kola pistola eta kola barratxoak
Margo akrilikoak
Pintzelak


Hasi gaitezen pausoz pausozkoarekin....





Lehenengo eta behin arropa pintzak hartu eta koloreztatuko ditugu gure gustuko margo akrilikoak eta pintzela erabiliaz.
Behin margotu ditugunean, lehortzen utziko ditugu, geroago kortxozko oholean pegatu ahal izateko.





Orain ohola egiten hasiko gera.
Horretarako gure oholak izango duen zabaleraren tamainazko kortxo ilarak osatuko ditugu, kortxo tapoiak kola beroaz  bata bestearen ondoan pegatzen.
Gure oholak izango duen luzera lortzeko nahi aina kortxo ilara osatuko ditugu. Gure kasuan lau izan dira.






Orain ohola osatzeko, kortxozko ilara guztiak bata bestearen azpian pegatuko ditugu kola beroa erabiliaz berriro ere.
Gure ohar oholaren oinarria egina degu.







Orain pintzak pegatuko ditugu kortxozko oholaren gainean. Hauetan gure ohar eta edo argazkiak zintzilikatu ahal izango ditugu.
Bakoitzak nahi duen bezala pegatu ditzazke, guk oholaren goikaldean jarri ditugu, azpian tokia utziz.






Iritsi zaie lata anilei txanda. Hauek hartu eta kortxoaren atzeko aldean goian pegatuko ditugu, horrela kortxoa paretan zintzilikatzeko aukera izango bai degu.

Ikusten dezutenez birziklai lan ederra da.
Guri ideia hau #Reta2 erronkan parte hartzeko kartela egin behar izan genuenean bururatu zitzaigun.

Kortxozko ohar ohola bukatu degu dagoeneko. Orain paretan jarri eta erabiltzen hastea besterik ez degu.
Guk, gaur, "la bola de cristal" programako  electroduendes pertsonaien argazkia jarri eta gure lagun Francis zoriontzeko notatxoa jarri degu...






Orain Francis-en Una vida real blogeko 5garren urtebetetzea ospatzera goaz !!. Handik pasa gonbidatu guztien lanak ikustera eta gure Francis zoriontzera!!

Zorionak Francis!!Muchas felicidades, ójala cumplas muchos más y podamos compartirlos preciosa!.


Hau ba dena gaurkoz.

Hurrenarte!


Azaroko egutegia





Kaixo berriro!
Hementxe nago bueltan. Gaurkoan, sartu irten txiki batekin bakarrik, hilabete honetarako egutegia zuekin konpartitzeko.

Udazkena iritixi zaigu iadanik, eta konturatu ordurako azaroan gaude , niri ere hilabetea gainera etorri zait konturatu gabe eta piskat berandu bada ere, oraindik garaiz gaude egutegia deskargatu eta erabiltzeko.

Hementxe duzue Azaro honetarako egin dudan egutegia, ea zuen gustukoa den






Ala bada, beti bezala,  hemen azpian dagoen deskarga botoian klikatu ezkero beste leiho bat irekiko zaizue eta hortxe deskargatu ahal izango duzue . Nahi aina aldiz.
JEPG formatuan dago, nahi dezuten tamainan deskargatu dezazuen.


https://drive.google.com/open?id=0B_l46C50YUuwNFRxN2IyMEMwRDg



Ba besterik ez gaurkoz.

Hurrenarte!







Egutegi hau ere, euskaraz eskuz eginak antolatze duen udazkeneko bildumara eramango det.Handik pasa euskaraz eskuz egindako proposamen gehio ikusteko.